പ്രചരണം:
“ലോക ചരിത്രത്തില് ആദ്യമായി
വൈറ്റ്ഹൌസിലെ അമേരിക്കയുടെ പതാക ഡോ:എ പീ ജെ അബ്ദുല് കലാമിന് വേണ്ടി പകുതി
താഴ്ത്തി കെട്ടി “(First Time In the
world history U.S.White house flag was half down on behalf of Dr.A.P.J.Abdul
Kalam”)
സത്യമോ മിഥ്യയോ:
മിഥ്യ
വിശകലനം :
നമ്മുടെ മുന് രാഷ്ട്രപതി
ആയിരുന്ന ഡോ:അബ്ദുല് കലാം മരിച്ചതിനു ശേഷം ഉള്ള ദിവസങ്ങളില് സാമൂഹമാധ്യമങ്ങള് ആയ
ഫൈസ്ബൂക്,വാട്സ് അപ്പ് ട്വിറ്റെര് തുടങ്ങിയവയില്വൈറല് പോലെ പടര്ന്ന വാര്ത്ത
ആണ് ഇത്.പകുതി താഴ്ത്തി കെട്ടിയ ഒരു അമേരികന് പതാക വൈറ്റ് ഹൌസ്നു മുകളില് പാറി
പറക്കുന്ന ചിത്രവും നല്കിയിരിക്കുന്നു.ഇത് ഒരു വലിയ വിഡ്ഢിത്തം ആണ്,
വിശ്വസിക്കേണ്ടത് ഇല്ല,പങ്കുവയ്ക്കുകയും അരുത്.
ഫൈസ്ബൂക്,വാട്സ്
അപ്പ്,ട്വിറ്റെര് തുടങ്ങിയവയില് പറയുന്നത് അമേരിക്കയുടെ രാഷ്ട്രപതി ആയ ശ്രീ
ബരാക് ഒബാമ പതാക താഴ്ത്തി കെട്ടാന് ഉള്ള നിര്ദേശം കൊടുത്തു എന്നാണ്.
സത്യം എന്താണ് എന്ന്
നോക്കാം:
വാഷിംഗ്ടണ്പോസ്റ്റ്
ദിനപത്രം പറയുന്നുണ്ട് ചട്ടനൂഗ ടെന്നിസി (Chattanooga Tennessee) എന്നാ സ്ഥലത്ത് നടന്ന വെടിവെപ്പില് മരിച്ച പട്ടാളക്കാര്ക്ക് ബഹുമാനം നല്കുന്നതിനു
വേണ്ടി വൈറ്റ് ഹൌസിലെ മാത്രം അല്ല മറ്റു സര്കാര് സ്ഥാപനങ്ങളുടെയും മുകളില് ഉള്ള
പതാകകള് പകുതി താഴ്ത്തി കെട്ടാന് ശ്രീ ഒബാമ നിര്ദേശം കൊടുത്തു എന്നുള്ളത് സത്യം
ആണ്.
ജൂലൈ 21 മുതല് ജൂലൈ 25 വരെ പതാക താഴ്ത്തി കെട്ടണം
എന്ന് ശ്രീ ഒബാമ അദ്ധേഹത്തിന്റെ ഔദ്യോഗിക
മാധ്യമം വഴി പൊതു ജനങ്ങളെ അറിയിച്ചിട്ടുണ്ട്.
ലോകം
ബഹുമാനിക്കുന്ന വ്യക്തിയാണ് ദിവന്ഗതന് ആയ ഡോ:അബ്ദുല് കലാം എന്ന് നമുക്ക് എല്ലാവര്ക്കും
അറിയാം,ലോക പ്രശസ്ത ശാസ്ത്രജ്ഞ നും ഇന്ത്യ മഹാരാജ്യത്തിന്റെ മുന് രാഷ്ട്രപതിയുമായ
അദ്ധേഹത്തിന്റെ വിയോഗത്തില് അമേരിക്കയുടെ രാഷ്ട്രപതി ആയ ശ്രീ ഒബാമയും ആദരാഞ്ജലികള്
അര്പ്പിച്ചിട്ടുണ്ട്,അത് താഴെ കൊടുക്കുന്നു.
"On
behalf of the American people, I wish to extend my deepest condolences to the
people of India on the passing of former Indian President Dr. APJ Abdul Kalam.
"A
scientist and statesman, Dr. Kalam rose from humble beginnings to become one of
India's most accomplished leaders, earning esteem at home and abroad. An
advocate for stronger U.S.-India relations, Dr. Kalam worked to deepen our
space cooperation, forging links with NASA during a 1962 visit to the United
States. His tenure as India's 11th president witnessed unprecedented growth in
U.S.-India ties”
ഇതില്
എവിടെയും പതാകയുടെ കാര്യം പറയുന്നില്ല.
എന്നാല്
നമ്മുടെ അയല് രാജ്യമായ ഭൂട്ടാന് തങ്ങളുടെ പതാക താഴ്ത്തിക്കെട്ടി ഇന്ത്യയുടെ
ദുഃഖത്തില് പങ്കുചേരാന് തീരുമാനിച്ചിരിക്കുന്നു എന്ന് പത്രങ്ങള് റിപ്പോര്ട്ട് ചെയ്തിട്ടുണ്ട്.
സമൂഹ
മാധ്യമങ്ങളില് വരുന്ന ഏതൊരു വാര്ത്തയും മറ്റുള്ളവരുമായി പങ്കുവക്കുന്നതിനു മുന്പ്
അതിന്റെ യാഥാര്ത്ഥ്യം മനസ്സിലാക്കാന് ഉള്ള ഒരു ശ്രമം നടത്തുക.
അവലംബകം:
No comments:
Post a Comment